O día 29 de setembro a cooperativa Árbore sumarase á folga xeral.

Manifestamos así a nosa protesta contra o modelo social imperante e as
lexislacións que se deseñan para defendelo. Non secundamos nin cumprimos
ordes de ningún sindicato ou partido político, senon que nos posicionamos
como cooperativa independente e libre que defende sempre outra forma de
consumo, de relacions laborais e sociais. Seremos, pois, coherentes co noso
ideario e os nosos principios.

Animamos a que a cidadanía amose o seu descontento participando na folga, e a
que manteña esa actitude no tempo, sendo consumidores conscientes e
cidadáns responsables todos os días do ano.

Secundamos o manifesto de Ecologistas en Acción