ÁRBORE CELEBRA O I RECOÑECEMENTO SOCIAL AO FOMENTO DO CONSUMO CONSCIENTE

A cooperativa de consumo consciente premia a labor das produtoras Ágatha Broeskamp e Xosé Gundín

O pasado domingo día 10 de xuño e aproveitando a asemblea ordinaria da cooperativa Árbore, fixose entrega do I Recoñecemento Social ao fomento do Consumo Consciente.

A cooperativa de consumo consciente Árbore ten decido entregar anualmente este premio a aquelas persoas ou colectivos que colaboren dun ou outro xeito na creación de alternativas ao consumo. Foron precisamente estas alternativas unha das motivacións para a creación da Cooperativa Árbore, buscando a interacción entre produtoras en ecolóxico e consumidoras.

As premiadas, Ágatha Broeskamp e Xosé Gundín traballaron dende 1997 na agricultura ecolóxica, coa convicción de que ese era o xeito de “protexer a saúde, o medio ambiente e a economía, tanto de quen a cultiva como da sociedade", en palabras da propia Ágatha.