Xoves 17 de febreiro: “Mulheres e méio rural”. Compartiremos um serão de compromiso com o agro e o feminismo ao calor de duas impresionantes mulheres, rebeldes incombustibeis, coidadoras do público e do privado, da terra, o traballo, a saúde e a xustiza. Participan: Tareixa Ledo e Lidia Senra. Lugar: Centro Social Sem Um Cam (rúa do Vilar, 9), ás 20:00 horas.
Venres 18 de febreiro: “Decrecemento”. Tentaremos desmontar a falacia que asocia Crecemento Económico con benestar, servizos sociais, calidade de vida... O decrecemento, non só como teoría filosófica senón tamén como modo de vida, vira as costas ao capitalismo na procura de outros mundos posibles, no camiño da xustiza social e ecolóxica. Participa: Carlos Taibo. Lugar: Centro Social A Esmorga (rúa Telleira, 9), ás 20:00 horas.
Sábado 19 de febreiro: Banco de sementes. Mercadiño de troco de sementes ecolóxicas. Pretendemos favorecer a recuperación e conservación das variedades tradicionais de plantas que foron mantidas dende sempre polas nosas agricultoras locais. Participan: invitamos a participación de todas as veciñas e veciños. Lugar: Parque Infantil do Polvorín (Barrio do Polvorín), de 11:00 a 14:00 horas.
Domingo 20 de febreiro: Jantar anti-transgénicos. Como primeiro prato, Charo Sanchez do Sindicato Labrego falara-nos da repercussom da introduçom dos transgénicos no agro galego e das consequências sobre a nossa alimentaçao. O colóquio desenvolverá-se ao longo dum jantar cento por cento ecológico, onde debatiremos sobre as possíveis receitas para deitar fora das nossas mesas os produtos manipulados geneticamente. Participa: Charo Sánchez Parga. Lugar: Sem Um Cam, ás 13:30 horas. Inscriçao no co-e: informacion@agrourense.info. Preço: 5 €.
Martes 22 de febreiro: “A privatizaçom dos recursos: Os exemplos da água e o solo”. Á hora de tomar qualquer decisom social, política ou económica que hoje governam o mundo, qualquer cousa é susceptível de entrar na categoria de mercadoria. A isto nom escapa nada: nem alimentos, nem terra, nem água nem sequer as pessoas. Nesta jornada as companheiras dos SLG falarám-nos da nova lei de aguas da Junta, da nova lei do solo e das Directizes de Ordenaçom do Território que suponhem a privatizaçom da água e a desprotecçom absoluta dos solos agrícolas. Participa: Manuel Docampo, membro da executiva nacional do Sindicato Labrego Galego. Lugar: A Esmorga Centro Social (Rua Telheira 9 Zona Universitaria), ás 20:00 horas.
Mércores 23 de febreiro: “Unha visión crítica do consumo responsábel”. Da man deste entrañábel economista ourensán, revisaremos o ideario que latexa en moitos dos nosos movementos sociais seguindo a liña de análise da Economía Crítica. Participa: José Iglesias. Lugar: Facultade de Ferro (aula 0.3), Campus Universitario de Ourense, ás 20:00 horas.
Venres 25 de Febreiro: Visita guiada a un hipermercado. O hipermercado, fiel representante da sociedade de consumo actual, tamén o é da exclusión e insostibilidade que caracteriza a globalización económica. Detrás de prezos contidos e unha suposta grande variedade de mercadurías agóchase moito máis que o acceso a unha alimentación suficiente e saudable. Máis ben o contrario, a concentración da distribución nas multinacionais promove tamén a globalización da agricultura no Mundo, provocando o uso irresponsable dos recursos e atentando gravemente contra a seguridade e soberanía alimentaria dos labregos e traballadores, así como a dos propios consumidores. Lugar: Estatua Carrabouxo (Parque de San Lázaro), ás 19:00 horas.
Agri – CULTURA: Actividades Culturais. Concerto musical de Ugía Pedreira + Fred Martins, Sacha na Horta e Tristteto, que colaboran de forma altruísta en apoio das Xornadas de Agroecoloxía. Lugar: Café Cultural Auriense, 22:00horas. Prezo: 5 €.
Sábado 26 de febreiro: Visita a fundación Galicia Verde. Ubicada no concello de Forcarei a entidade ten como fins, entre outros, os de promover o cambio social e a sustentabilidade no medio rural, así como a concienciación e a denuncia dos dos graves problemas que afectan ao medio natural. Un proxecto transformador que parte da iniciativa de particulares sensibilizadas coa crise social e ambiental que estamos a vivir. Saída: quedada na rotonda do afiador (no lateral do Edificio Politécnico da Universidade, ao lado da estrada que vai a Castro Caldelas), ás 9:30 horas. Inscrición no co-e: informacion@agrourense.info (avisar de se dispón de coche).
Martes 1 de marzo: “Finanzas éticas”. Existe a economía transparente e solidaria. Diversas propostas económicas de ámbito galego posibilitan incidir social, cultural e ecolóxicamente no noso entorno. Mostrarán que non se financiará á industria armamentística, á especulación e á destrucción do planeta. Non cos nosos cartos. Participan: Fiare, Coop57, O Peto. Lugar: Cafetería Grándola (praza de San Marcial), ás 20:00 horas
Venres 4 de marzo: Reunión da Rede Galega de Consumo Responsable. Galiza continúa coa súa escalada de colectivos de diversa índole que apostan por traballar por unha cultura de consumo consciente e responsable. Situándose na realidade social e económica da Galiza do século XXI, podemos camiñar sendo conscientes das nosas decisións en materia de consumo.
Lugar: Casa da Xuventude (rúa Celso Emilio Ferreiro, 27), ás 17:00 horas.
Contactos:
Para calquera consulta, podedes contactar con nós en informacion@agrourense.info.
